圓圓小姐 (快樂大廈)

营业中

休息中

同朋友系OpenRice 1:03落咗2杯外卖自取，1:25到铺头，问蓝色头发收银有未，佢睇完单冇覆冇答冇望，不过由佢同佢入面同事沟通感觉到未有，唔紧要，我哋企一边等。到1:35分，其他walk-in 落单嘅客都陆续拎到嘢饮，我哋依然未有，就问多次，佢同个收银好似沟通有问题咁，我哋隐约听到”出咗单？未？出咗啦”之类，今次答我嘅系入面冲嘢饮嘅staff，叫咗好d，有同我哋讲唔好意思，等多阵。好，继续等，但冲极都未见冲我哋个杯，等咗阵终于有一杯出黎，keep 咗系收银枱，再等，等到1:44分实在要赶返公司，我问个蓝发收银可唔可以俾咗一杯我先，佢眼尾都冇望，冇应机，过咗几秒嘢饮同饮筒大大力达落黎。 而我朋友仲要继续等埋佢个杯。 都感觉到蓝发收银个个唔太想返工，有d唔知自己做紧乜，d单极乱。都唔太明我哋1点03分就落单，但比我哋迟买嘅walk-in 客一个个都早过我哋拎系点解，流程同逻辑都极有问题。