志 (已結業)

误打误撞试左呢间新开嘅寿司店，环境都唔错，即日book都有位，去到等左一阵就入得！本身谂住试11 course omakase set（$380），点知被告知今日啲天妇罗唔靓，所以冇呢个set供应⋯其实天妇罗唔靓乜师父唔识揾其他野replace? 即系一样材料冇，成个set就要取消⋯flexibility 都几低⋯期望日后呢方面可以改善一下啦。友人话食寿司set，于是拣左13贯set（$350）蒸蛋，还好，如果唔落白果同热啲就好。然后可能因为今日师父好忙嘅关系，等左半个钟，终于上寿司啦！啲鱼都几新鲜，有我钟意食既剑鱼！👍🏻海胆鲜甜唔腥，三文鱼子配埋柚子汁清新好味！仲有左口鱼裙边！肥美好味😋 最后可自选多一件寿司～仲有面豉汤同甜品作结。临走，仲有腐皮寿司小礼物。总括泥讲野食系唔错，可能太新，好多野都未够纯熟，未够smooth~期望上咗轨道后会更好。