影片
更多
2008-08-09
4 浏览
昨日放饭时间饭无啦啦比个同僚捉埋一齐食晏, 逼于无奈下唯有应酬应酬, 于是问问同僚是次地点喺边? 呢次佢就答得好爽快, 一口决定黎呢间食店; 坦白讲自从师傅试过佐敦店之后, 已经对呢间食店冇咩兴趣, 不过既然呢间系师傅未黎过, 就试一试啦!三个人入到去, 基本人唔算太多人, 理论上系有位, 不过碍于同僚唔想搭枱, 于是只有等; 其实师傅觉得搭下枱都好正常啫, 都唔明𠮶位同僚点谂, 如是者就等左成廿分钟先有枱, 真系激到师傅啤啤声!一坐底饿到半死嘅师傅即刻睇下有咩好食, 突然间见到有个焗饭叫"xx大胃王"(xx系因为唔记得叫咩名), 见到大胃王令师傅不其言想起小林川, 更加联想到份量应该几多几大, 所以二话不说就柯打左呢个, 仲可以拣茄汁同黑椒汁, 师傅就拣左后者, 再加杯冻咖啡!由于焗饭需时, 所以又系喺度等, 等左一阵师傅终于等到喇, 个大胃王焗饭终于有得食, 卖相唔算好靓好吸引, 睇下有咩野食先, 哗, 一个焗饭内竟然有牛扒, 猪扒, 鸡中翼同埋珍宝肠半条; 坦白讲成个杂扒饭咁, 先讲下猪扒, 猪扒几松好入味, 而牛扒就几韧, 一般d; 而鸡中翼一只, 肉身都算几滑, 唔错; 而
三个人入到去, 基本人唔算太多人, 理论上系有位, 不过碍于同僚唔想搭枱, 于是只有等; 其实师傅觉得搭下枱都好正常啫, 都唔明𠮶位同僚点谂, 如是者就等左成廿分钟先有枱, 真系激到师傅啤啤声!
一坐底饿到半死嘅师傅即刻睇下有咩好食, 突然间见到有个焗饭叫"xx大胃王"(xx系因为唔记得叫咩名), 见到大胃王令师傅不其言想起小林川, 更加联想到份量应该几多几大, 所以二话不说就柯打左呢个, 仲可以拣茄汁同黑椒汁, 师傅就拣左后者, 再加杯冻咖啡!
由于焗饭需时, 所以又系喺度等, 等左一阵师傅终于等到喇, 个大胃王焗饭终于有得食, 卖相唔算好靓好吸引, 睇下有咩野食先, 哗, 一个焗饭内竟然有牛扒, 猪扒, 鸡中翼同埋珍宝肠半条; 坦白讲成个杂扒饭咁, 先讲下猪扒, 猪扒几松好入味, 而牛扒就几韧, 一般d; 而鸡中翼一只, 肉身都算几滑, 唔错; 而珍宝肠就冇咩特别, 可以啦; 而饭当然系炒底啦, 饭炒得好干身加埋黑椒汁够香够辣, 都几好味; 而冻咖啡不算太香, 味道一般!
总括黎讲食物质素可以, 环境一般, 服务都几好, 伙计大多笑容满脸, 而价钱亦算可以接受, 三十二蚊一个焗饭, 再加两鸡有冻饮; 不过师傅对呢个等待的午餐唔系太满意, 最主要因为系咁等, 等位等食, 呢d全部都唔系师傅嘅喜爱, 不过呢d都系人为; 下次仲黎唔黎就唔知, 一切随缘啦!
张贴
