影片
更多
2013-05-24
62 浏览
果日系星期六, 我地特登搭车黎就系为左一试车品品. 13:50黎到门口, 先见到闸关左, 原来贴左告示是日开14:00. 响附近行左一阵返黎, 已经有几台人排紧队. 排左一阵, 过左14:00, 终于开闸, 食客纷纷自行入座. 张台几窄, 全间店都阵唔好闻既味, 可能通风唔太好.点左野食, 先知原来已经好多张单响我地前面. 当时只见老板一人响厨房忙 (冇楼面、收银, 就只有佢一脚踢), 大家都知一定有排等喇. 后面台既食客一路等就一路批评, 话有冇搞错得一个人做野. 等左好耐, 先见有另一人行出黎帮手 (女人, 可能系老板娘?).我地冇睇表, 感觉上应该等左起码半小时吧, 先至有野食. 我地叫左2个车仔面($27-28/碗), 2个碗仔翅($22/碗), 1杯金牛(好似$20), 1只干邑红烧鲍鱼 ($40).车仔面 -- 好普通, 冇惊喜. 叫生菜的话份量好多. 我地叫左既送仲有鸡翼、鱼旦同肠仔, 全部卖相同味道都普通, 冇咩特别. 面系蛋幼面, 冇蛋味, 唔弹牙, 冇枧水味, 我谂同普通蛋幼面冇咩分别.碗仔翅 -- 好足料, 又够热, very good. 不过贵左D, 唔算好大碗
点左野食, 先知原来已经好多张单响我地前面. 当时只见老板一人响厨房忙 (冇楼面、收银, 就只有佢一脚踢), 大家都知一定有排等喇. 后面台既食客一路等就一路批评, 话有冇搞错得一个人做野. 等左好耐, 先见有另一人行出黎帮手 (女人, 可能系老板娘?).
我地冇睇表, 感觉上应该等左起码半小时吧, 先至有野食. 我地叫左2个车仔面($27-28/碗), 2个碗仔翅($22/碗), 1杯金牛(好似$20), 1只干邑红烧鲍鱼 ($40).
车仔面 -- 好普通, 冇惊喜. 叫生菜的话份量好多. 我地叫左既送仲有鸡翼、鱼旦同肠仔, 全部卖相同味道都普通, 冇咩特别. 面系蛋幼面, 冇蛋味, 唔弹牙, 冇枧水味, 我谂同普通蛋幼面冇咩分别.碗仔翅 -- 好足料, 又够热, very good. 不过贵左D, 唔算好大碗. 味道都系中规中矩.
金牛 -- 未试过, 贪得意试下, 原来唔好饮. 可能分开食雪糕同饮忌廉会好味D.
鲍鱼 -- 好好食, 厚肉, 冇酒味, 好有鲍鱼味. 约尾指长度咁大只. 咁既价钱系唔错.
基本上大部份野食个样都系普普通通, 味道一般 (除左鲍鱼), 如果要我再详写食物评论我真系写唔出喇, 因为真系好普通, 冇咩特别野可以写. 可能我地叫既特色食物比较少挂.
呢度出左名要排队, 呢日岩岩响佢开店前到达系好彩. 我地等紧野食既时候, 见到出面都有几台人等位. 外面太阳好晒, 路边仲有工人搬运致灰土飞扬, 真系登出面等紧位既辛苦.
睇openrice呢度写, 有人话老板娘好nice好岩倾, 系呢间食店卖点之一. 但当日所见, 老板同老板娘都非常忙碌, 边有时间同食客吹水呢? 唔通晚市会唔同D? 店里面有只猫走来走去, 好瘦的, 同埋好cool, D爪仲好长好尖, 所以唔敢同佢玩.
真系有闲情又唔饿先好黎食. 试过就算, 唔会特登再黎食.
好似好辣既辣椒, 唔知咩菜式先会落呢, 冇试到
张贴
