龍泉冰廳

营业中

休息中

好后悔冇睇下之前食评先入黎我黎食早餐，份炒蛋多士上果阵，个侍应飞只碟上枱，件多士成件自己飞咗出碟，降落咗喺枱面⋯ 我冇出声，侍应拎走块多士，再转头话即刻整过件俾我再过咗阵拎咗只碟仔上块多士，我一拎上手一咬落去，冻嘅淋嘅⋯ 我都懒得再同个侍应讲，因为楼面同收银不断大声沟通，话楼面得一个人、一对手做得边样，收银就不断叫等紧外卖嘅人出返去等、外卖有排未有得拎，之前电话落单果d都未做起，等唔切嘅就cut咗佢。再过咗阵，侍应上我隔离果枱嘅冻饮果阵成杯跌咗落地，劲大声全间铺都望住⋯ 个侍应即刻话个地下滑⋯ 然后收银即刻过黎帮手，掉咗一枱客去另一枱坐，然后仲有个隔离枱嘅客成脚湿晒⋯ 佢即刻拎个地拖出黎拖⋯ 良久之后湿咗果个客先问个侍应，我成身湿晒你哋有冇纸巾俾张我？侍应先识去拎纸巾俾人，收银就补多几句唔好意思⋯ 呢刻我只系庆幸头先倒泻野唔系倒落我度⋯我只系想我呢餐食完唔会肚痛⋯ 真系未食过咁难食嘅茶记早餐，就算质素平平嘅我通常食野都清晒碟，汤都饮埋果只。呢餐，我食咗一半真系食唔落去。多士当然摆低啦，块火腿系大陆红肉火腿⋯ 如果你有北上经验食过大陆炒饭大陆面包店夹果火腿，你就知我讲边只⋯ 从来都未试过