Cocolo Tokyo Cake Factory (朗豪坊) (已結業)

放工等朋友睇戏个阵，行左黎朗豪方又想食d野，见呢间个苹果批好似好吸引，试下先～ 有好多唔同口味既批原来仲有好多唔同款蛋糕我最初以为冻既，原来热咖～入口脆卜卜，第一啖食到吉士味重d，之后第二啖就咬到苹果，香甜得黎又唔太甜，GOOD! 之后朋友黎左，佢叫左个hojicha cake，我最初以为呢度系出名苹果批，点知个hojicha cake仲惊喜～佢茶味香浓，我仲好惊好甜点知又唔会，very good! 我地唔够喉，仲叫左杯抹茶脆脆，个脆脆比客人自己倒上去～抹茶鲜奶呢个配搭一定好味，不过我地略嫌多冰左d，下次我地会叫少冰。呢间店出品既野食同野饮都系少甜，我觉得好岩我口味～ 虽然舖头小小，但都几多人食。会放纸巾比客人，好细心。