影片
更多
2021-10-13
5222 浏览
话说3月嘅某日睇咗个youtuber 介绍呢间位于尖沙咀凯悦酒店嘅Weekend Brunch，就二话不说拎起咗个电话订枱👀 点知最快都要等到8月先有得食！ 夸张到呢！我哋足足等咗5个月先有位呀！🤯个brunch 由11:30-15:00，基本上大部分人都系11:30入咗座，每位成人$755另加一，仲包咗任饮果汁同餐茶一杯，我𠮶日就有橙汁、番石榴汁同西柚汁拣。成个brunch 分咗4个部份，头盘自助餐、汤、主菜、甜品及糕点自助餐💁🏻♀️Hugo’s嘅装修俾我嘅感觉系古典雅致嘅欧陆餐厅⚜️ 整体布局以木色系为住天花用横梁搭成，加上简约而不失格调嘅吊灯，俾人一种怀旧嘅感觉🕰 半自助餐嘅自助区主为L型嘅设计，分别为冷盘沙律区同甜品区。❤️ 冷盘沙律自助区呢个区嘅选择可以话系简而精，而且refill 速度迅速，好少出现俾人攞哂得返吉盘嘅情况👌🏻☞︎ 冻虾：虾够哂弹牙，亦都新鲜，如果可以再鲜甜啲就好喇🤭☞︎ 龙虾：Size虽然望落唔系大只，但佢颜色好白滑肉质亦都好结实🦞☞︎ 龙虾钳：比起龙虾更鲜甜，而且全部都钳开哂一半非常方便去食，咁多海鲜之中最钟意呢个😙☞︎ 生蚝：今日食嘅系法国嘅fine de clai
个brunch 由11:30-15:00，基本上大部分人都系11:30入咗座，每位成人$755另加一，仲包咗任饮果汁同餐茶一杯，我𠮶日就有橙汁、番石榴汁同西柚汁拣。成个brunch 分咗4个部份，头盘自助餐、汤、主菜、甜品及糕点自助餐💁🏻♀️
Hugo’s嘅装修俾我嘅感觉系古典雅致嘅欧陆餐厅⚜️ 整体布局以木色系为住天花用横梁搭成，加上简约而不失格调嘅吊灯，俾人一种怀旧嘅感觉🕰 半自助餐嘅自助区主为L型嘅设计，分别为冷盘沙律区同甜品区。❤️ 冷盘沙律自助区
呢个区嘅选择可以话系简而精，而且refill 速度迅速，好少出现俾人攞哂得返吉盘嘅情况👌🏻
☞︎ 冻虾：虾够哂弹牙，亦都新鲜，如果可以再鲜甜啲就好喇🤭☞︎ 龙虾：Size虽然望落唔系大只，但佢颜色好白滑肉质亦都好结实🦞
☞︎ 龙虾钳：比起龙虾更鲜甜，而且全部都钳开哂一半非常方便去食，咁多海鲜之中最钟意呢个😙
☞︎ 生蚝：今日食嘅系法国嘅fine de claire, 属于比较细只薄身嘅，虽然细细只但味道先咸后甜，唔系重铁味𠮶啲，口感爽口，品质都唔错🦪
☞︎ 鹅肝慕丝配时令果酱：鹅肝味比想像中无咁浓可能比啲果酱沟淡咗啲味，不过两者好夹，我都忍唔住再攞多一个😆
☞︎ 烟三文鱼：呢个烟三文鱼系自家腌制，颜色比平时自助餐食嘅更橙红，亦都好有光泽，食落有鱼油香味但略嫌咸香味太浓。
☞︎ 仿鱼子酱：第一次食好似啲咸咸哋嘅啫喱粒咁，口感上未能以假乱真，不过都几得意🤣
☞︎ 西班牙火腿：呢个就正正常常啦～
仲有龙虾仔同沙律区冇食到，留返个胃食下一道菜。
❤️ 汤+餐包
嚟到第二部分，今日嘅餐汤系南瓜汤，不过呢间餐厅最出名系龙虾汤💁🏻♀️ 我觉得餐厅可以考虑吓俾顾客加钱转汤，因为我真系好想试。不过南瓜汤都好浓味，饮完已经饱咗一大半🤭
另外，不得不提嘅系佢啲餐包系非常之高质，一放低已经闻到香喷喷嘅面包香，食落麦味都好香！我见好多枱都会将食唔哂嘅面包打包..我哋蠢咗，俾个职员收走咗..😅❤️ 主菜
主菜一共有七款，每人拣一款，嚟呢度一定要叫佢最出名嘅烧美国牛肋骨肉啦！🤩
仲有职员喺你面前即场切个prime ribs！prime ribs 非常软腍，牛味好重，而我哋叫medium rare 色泽好靓！伴随prime ribs 上碟嘅有个巨型空心波波，食落好似鬼佬版油炸鬼。
仲有一大旧焗薯仔同菜！衰鬼🙊 样样都咁好味真系好难忍口！💕❤️ 甜品及糕点自助餐
当饱到上喉咙之际，职员就送上焗疏乎厘，呢个每人一客，今日只味系我最爱嘅hazelnut!
另外出面仲有甜品buffet，但我除咗水果已经咩都食唔落喇…🤰🏻餐厅推荐度：⭐️⭐️⭐️⭐️ (4/5)
呢度无论环境、服务同食物都令我哋非常满意，呢个半自助餐适合大胃王嚟食吓，如果好似我咁细食嘅女士唔想辛苦自己嘅话，其实佢哋个weekday lunch menu 都可以一试，亦都有我推介嘅prime ribs 㗎！
张贴
