影片
更多
2013-01-07
6 浏览
由佢新开到好快咁入左＂十大好评升幅＂同＂最多好评＂之后就好想试啦我对依类小食情有独钟。但上次经过时太饱就冇食。今日终于试到因为撞岩放工时间去。好多人系入面等门口好得意有只佢既ＬＯＧＯ既大公仔成间铺好ＳＨＡＲＰ架橙色好易揾有个窗可以系街望入去一入到去就叫我最想试既烤鸭煎饼。点知真系发生左我最怕既情况＞＜就系太夜冇哂鸭所以冇得叫烤鸭煎饼。唉但系一场黎到又唔想白行。咁就叫左老金煎饼好多人等紧外卖。佢即叫即煎。有两个整饼既姐姐得个ＣＡＳＨＩＥＲ系亚洲人系我前面都有１０几个号码等紧。都几逼人但就睇得出佢有几受欢迎啦等左１０分钟到。就黎整到我果件之际。有个著得好斯文既眼镜哥哥竟然拎住只鸭入黎！！！佢同ＣＡＳＨＩＥＲ有讲有笑咁就入左厨房切！！唔通一个著得咁整齐既中环上班族放工黎帮手？哈哈一见到鸭，我后面有个姨姨好醒咁问：系咪有烤鸭喇宜家？可唔可以转？其实我一见到只鸭我心入面都有咁谂。好好彩系可以既！！咁个ＣＡＳＨＩＥＲ就收番个差价我都趁我果件未整都即刻话转。果刻真系觉得好ＬＵＣＫＹ呀。＞３＜迟多一分钟我果件就开始整啦由冇变有。本身老金煎饼＄３０。烤鸭煎饼系最贵＄４８ＣＡＳＨＩＥＲ哥哥好好人帮我地改左
我对依类小食情有独钟。但上次经过时太饱就冇食。今日终于试到
因为撞岩放工时间去。好多人系入面等
门口好得意有只佢既ＬＯＧＯ既大公仔成间铺好ＳＨＡＲＰ架橙色好易揾
有个窗可以系街望入去一入到去就叫我最想试既烤鸭煎饼。
点知真系发生左我最怕既情况＞＜就系太夜冇哂鸭
所以冇得叫烤鸭煎饼。
唉但系一场黎到又唔想白行。咁就叫左老金煎饼
好多人等紧外卖。佢即叫即煎。有两个整饼既姐姐得个ＣＡＳＨＩＥＲ系亚洲人
系我前面都有１０几个号码等紧。都几逼人但就睇得出佢有几受欢迎啦
等左１０分钟到。就黎整到我果件之际。有个著得好斯文既眼镜哥哥竟然拎住只鸭入黎！！！
佢同ＣＡＳＨＩＥＲ有讲有笑咁就入左厨房切！！
唔通一个著得咁整齐既中环上班族放工黎帮手？
哈哈一见到鸭，我后面有个姨姨好醒咁问：系咪有烤鸭喇宜家？可唔可以转？
其实我一见到只鸭我心入面都有咁谂。
好好彩系可以既！！咁个ＣＡＳＨＩＥＲ就收番个差价
我都趁我果件未整都即刻话转。果刻真系觉得好ＬＵＣＫＹ呀。＞３＜
迟多一分钟我果件就开始整啦
由冇变有。本身老金煎饼＄３０。烤鸭煎饼系最贵＄４８
ＣＡＳＨＩＥＲ哥哥好好人帮我地改左单之后。佢收左姨姨钱但冇收我钱＠＠
即时又想感恩一次。（因为今日好多黑仔野但最后又好好彩咁解决到）
咁就一路听号码一路行近睇佢整
见住佢一个个步骤整都已经够哂吸引
有青瓜，鸭，薄脆，蛋，酸姜，京葱，鸭汁
个人觉得折完出黎都几大件一个女仔如果唔系太饿真系食半件都够。
拎到上手好重好足料
我觉得个味同北京填鸭差唔多
但好味Ｄ因为加左薄脆同酸姜
薄脆加强左好多口感，酸姜就可以中和番个油腻感
热辣辣好好味呀。一咬落去又脆又有蛋香又惹味
楼上好多人。唔睇唔知佢行楼梯有个好宁静既地下室比你慢慢食
有３张枱。成个地下室好有味道。竟然有油画系墙到。仲有个投影机唔通系用黎开住戏睇？系到就可以好好同班朋友坐低唔使企系到食得咁狼狈
又系一大加分位
佢唔止得煎饼。仲有其他凉菜：拍青瓜／香藕片
有时见到其他人叫既煎饼系紫色其实系紫米粉既面粉
下次一定要再黎试埋佢＠＠！！
题外话/补充资料：
一定要趁热食呀。冻左淋哂差好远架
(以上食记乃用户个人意见 , 并不代表OpenRice之观点。)
张贴
