時新快餐店 (已結業)

师傅都有好一段时间冇同好友食家"乜都放入窿"食饭喇, 难得早几日好友食家"乜都放入窿"相约师傅食饭, 师傅当然举脚赞成, 于是就谂下去边度食好! 谂左好耐最后决定同好友食家"乜都放入窿"黎红磡食下野, 而首选嘅当然系呢间人气食店, 加上好友食家"乜都放入窿"又未试过, 所以即刻出击! 去到门口劲多人, 差d逼唔到入到; 行到埋去即刻柯打左个芝士汉堡蛋汉堡同埋炸鸡脾, 同好友食家"乜都放入窿"两份分, 不过堂食肯定冇行, 唯有选择行街!落完单等左好耐先有得食, 先讲下个芝士汉堡蛋汉堡, 个包软软熟熟, 而汉堡系自制的, 厚身松软, 够香够吸引, 而蛋汁又够配埋半溶芝士, 劲香劲好味, 好正呀; 炸鸡脾好大只, 炸得香香脆, 鸡肉又唔干身, 滑口非常, 连好友食家"乜都放入窿"都赞不绝口!总括黎讲食物质素真系出晒位, 而地方就系细d逼d, 环境一般, 不过价钱超值, 咁样食法都系廿几蚊, 绝对抵食; 如果有机会师傅一定会再黎, 不过好希望下次唔好咁多人, 可以唔使等咁耐啦, 笑脸一定要比啦!