聯記川王涼粉 (已搬遷) 新店位置

同得好友食家"乜都放入窿"食饭, 当然唔会系得一间食店咁少啦, 所以当师傅喺时新落单嘅同时, 好友食家亦喺隔离(即系呢间食店)柯打左另一样食物, 皆因呢间人气食店亦系好友食家"乜都放入窿"同师傅从未食过, 既然黎得呢度当然不能错过, 所以大家都非常期待!由于事前已经商量, 所以好友食家"乜都放入窿"就柯打左麻辣牛舌凉粉(小辣)同埋麻辣猪耳薯粉(小辣)行街!先讲下麻辣牛舌凉粉(小辣), 麻辣牛舌真系几麻辣, 香香嘅辣味配上少少嘅麻味, 麻辣味道点到即止, 洽到好处, 好正; 而牛舌又够腍够松, 肉身唔鞋, 一d都唔韧, 掂呀; 凉粉就够爽口而且够滑身, 加上系冻吃, 感觉系辣中带凉, 劲正; 而麻辣猪耳薯粉(小辣)系热食, 麻辣味道依然抢口, 热食亦份外觉得惹味, 至于猪耳切得细细片, 入口够爽, 薯粉又系爽爽滑滑, 非常好味, 真系好味到停唔到口!总括黎讲食物质素甚佳, 地方都系细, 环境系坐喺街边, 不过价钱唔贵, 绝对抵食; 师傅同好友食家"乜都放入窿"一面食一面赞, 所以好肯定一定会再黎; 由于人气食店嘅关系, 所以都几多人, 加上又要等, 所以都几冇瘾, 好希望下次唔使等啦,