鮨廷 (裝修中)

今日去开尖沙咀见客，搞到午餐都无时间食，做完嘢响附近揾食，呢间寿司店2:30仲有人等紧位，我又试吓先。店仔细细，里面大约10个吧枱位，可以见到师傅切鱼生整寿司。叫左几款喜爱嘅寿司，首先系帆立贝寿司，帆立贝爽口清甜，配埋赤醋饭好味火炙过嘅帆立贝又系另一种风味，微微焦香加上鲜爽口感，正。油甘鱼油润带爽，真不错。赤贝爽口鲜美，感觉满足海胆份量多，鲜美丰腴，百吃不厌呀葱吞拿鱼腩肥美软滑，配埋脆脆紫菜真系绝配。大拖罗肥美润滑，入口鱼味丰盈。焦糖玉子好特别，火炙过嘅玉子面头有脆焦糖，食落又唔错㖞。店内有玄米茶同麦茶俾客人选择坐位仲有USB叉电位，好贴心。