騷 (已結業)

七点朋友话肚饿，所以见到呢间星期五九点前有九折就即刻book 8:00。响街hea 左阵就上去。本身见佢有live music ，谂住会几好feel , 但点知越坐越辛苦，地方不大，但音乐太大声，食客要吊高把声黎倾计。我隔离个位讲野劲大声，我耳仔劲痛！谂住食完快快走人，点知等左大约九个字都未有野食(叫左一份burger,一份奄列) 见职员个势似未开始整，(佢系open kitchen) 佢话因为多客所以要等多阵，于是再等多15分钟先上左份奄列... 我咬到蟹壳粹...个牛角包又细只。。。唔明点解要整成粒钟。。。已经超不满！等左咁耐。。。过左阵再上埋burger ，系3个mini 既burger,个职员可能心急，跌左一个落地😑😑😑😑佢话整过份比我地，但我同朋友只想快快食完走，所以只要求多支手工啤，佢后尾再请左一碟鸡翼比我地食，其实佢地态度几好。但我朋友同我真系好无奈。。。本来满心欢喜出尖沙咀食晚饭，但心情完全受影响。重点系食物质素又唔太补偿到我地饿左一个钟既不快，仲要耳仔又痛。。。唯一欣赏既系职员们都有礼貌，所以我都㩒住自己冇发火，但其实等咁耐真系令我好噪！希望佢地可以改善下！