等 (已結業)

误打误撞下试新cafe，冇特别期望反而更有惊喜，开业时间应该唔长，唔需要等位。无印系装修，白色墙配木质家私，植物摆设。芝麻鸡翼🐥有4只，鸡翼连翼尖，本来冇打算嗌，但见到隔离枱有，好吸引就点埋🤣，好彩冇失望，表面炸得够香脆干身，一啖咬落去，肉质嫩滑有肉汁。混酱薯条🥔热辣辣上碟，有3款酱（黑松露、明太子、茄汁）睇返餐牌先发现系蜜糖芥末而唔系明太子，可能餐牌更新/比错我哋😂，当刻冇为意，黑松露好香，明太子少少咸，薯条正常发挥，同样炸得香脆，钟意系粗身薯条。明太子蟹棒海胆意粉🦀🍝每啖意粉都有明太子酱包住，酱汁creamy但唔杰身，不过海胆鲜味唔突出，同意粉捞埋之后就冇乜存在感，但整体好食。All Day Breakfast 🥐🥗🍖🥚贯彻日式西餐风格，以玉子烧取代一般嘅炒蛋/太阳蛋，几特别，坊间唔常见，另外，第一次见鸡骨肠，觉得味道同平时猪肉肠差唔多。