牛記茶室 (已搬遷) 新店位置

下昼四点钟，已完成手头的工作，但晚上有function，所以都要等时间，唔走得。鬼佬宴会，一向无啖好食，谂谂下，都系食少少野打下底先。记得都一段时间无来这里，加上地点偏僻隐蔽，实唔会俾蛇王的同事撞到，就约埋在附近工作的旧拍档来饮杯野。牛记门面一般，但一向几受欢迎，好似今日四点几，都聚集了一班的士大佬在吹水，见老板娘又个个都叫得出名，唔怪得咁旺场。叫了碗筋腩猪手河，加碟油菜，同两杯热奶茶。这里的筋腩是柱侯煮法，因为牛筋炆得又腍又软滑，所以关照老板娘要多筋少腩，牛筋炆得入味，有水准。其实咁大旧牛腩，当然有韧有唔韧的地方，识叫自然会食得好一点。猪手其实是猪脚，皮多肉少，好在是用炆的，皮还算丰腴，不错。菜绿油油的，一大碟，十蚊都算抵。同旧拍档倾到成六点，埋单四十多，吃得饱一饱，个人觉得好抵。