影片
更多
2024-06-28
303 浏览
今次系由我嘅麻甩系朋友带我去觅食，佢话佢都系朋友嘅朋友推荐俾佢，所以平时净系一大班人聚会先拣大排档嘅我，都难得系三四个人聚会嘅时候拣呢类型嘅餐厅。不过作为一个Cafeholic，都系食返Café啱我，但系都写一写食评纪念下。份量都算唔错，几个人夹返份都真系好平。不过位置都比较隔涉啲，冇人带路真系唔会去到。‣ 前菜佢嘅前菜系话梅蕃茄仔同埋腌酸萝卜，我觉得个蕃茄仔几有诚意，冰冰冻冻、酸酸甜甜，都几好食。顺带一提，佢仲有一壸冰茶放上枱，饮落我觉得似竹蔗茅根水，都几有诚意几特别。‣ XO大盘椰菜花 $88食椰菜花嘅时候就觉得好足镬气，同埋都真系好大兜，食𠮶阵都真系觉得几正，主要都系啲XO酱真系够味，呢个价钱嚟讲算系咁啦。‣ 脆皮烧乳鸽 $68/1只我个麻甩朋友佢话呢到嘅乳鸽值得一试，推荐我哋试吓。佢一只乳鸽其实都几大只嘅，都确实系几香口，系炸得几好。我同朋友讲笑话见到个鸽仔头就唔舍得食，佢话我扮晒野。‣ 桂林尖椒炒牛肉 $98我觉得个牛肉都腌得好腍，而且有少少辣先啱啱好，令到成兜菜闻更加香。啲椒本身都几甜，都唔错，但系啲小菜普遍份量比较多，咁就费事食到呕，觉得啱啱好就收手。‣ 赤小豆粉葛猪骨汤
‣ 前菜
佢嘅前菜系话梅蕃茄仔同埋腌酸萝卜，我觉得个蕃茄仔几有诚意，冰冰冻冻、酸酸甜甜，都几好食。顺带一提，佢仲有一壸冰茶放上枱，饮落我觉得似竹蔗茅根水，都几有诚意几特别。
‣ XO大盘椰菜花 $88
食椰菜花嘅时候就觉得好足镬气，同埋都真系好大兜，食𠮶阵都真系觉得几正，主要都系啲XO酱真系够味，呢个价钱嚟讲算系咁啦。
‣ 脆皮烧乳鸽 $68/1只
我个麻甩朋友佢话呢到嘅乳鸽值得一试，推荐我哋试吓。佢一只乳鸽其实都几大只嘅，都确实系几香口，系炸得几好。我同朋友讲笑话见到个鸽仔头就唔舍得食，佢话我扮晒野。
‣ 桂林尖椒炒牛肉 $98
我觉得个牛肉都腌得好腍，而且有少少辣先啱啱好，令到成兜菜闻更加香。啲椒本身都几甜，都唔错，但系啲小菜普遍份量比较多，咁就费事食到呕，觉得啱啱好就收手。
‣ 赤小豆粉葛猪骨汤
最后餐厅送咗几碗汤俾我哋饮，碗汤都几足料，作为一个钟意饮汤嘅人，有呢个汤做收尾觉得都几好。
张贴
