滿泰小廚

营业中

休息中

是日一行二人黎揾午餐食，知道西贡都几出名呢类东南亚餐厅，店员又招呼我地入去，所以入去试下。睇左阵餐牌，最终点左两客双拼既泰式鸡饭，我食泰式鸡肉牛展饭，朋友就系泰式鸡肉鱼饼饭。一落完单未上饭前，店员先会先俾左例汤我地，虽然唔知咩汤，但饮落几好味，而且都唔太系味精汤既味。有同朋友交换到啲𩠌黎食，先讲朋友果鱼饼，冇咩特别，都系煎香左既泰式鱼饼既味道。到我自己果泰式鸡肉牛展饭。先讲果饭，系海南鸡果只油饭但少左香茅味，因为我唔中意香茅味，所以觉得呢款油饭超好食，唔会太油，捞到果味岩岩好，够香。啲牛展炆到好入味，即使冇上面果汁都够哂味。鸡件好滑，而且好中意佢果泰式酸辣酱，好惹味，我点哂成兜甘滞。整体黎讲，食物唔错，招呼都几热情。间唔中食下呢啲碟头饭都几好。