周明園潮州粉麵餐廳

营业中

休息中

天气好热，2个人想简单食，也唔想食饭，就去左周明园食晚饭。呢间都真系由细食到大，而且几好食，质素亦都好稳定。要左2个粉，加一个油菜，但就无另外加饮品。(1) 牛腩米线今晚啲牛腩好好食，啖啖肉，亦炆浸得好淋，唔鞋口，好好食，汤底有少少觉得油，所以个人好钟意加醋，可以减去一些肥腻感。(2) 鱼皮鲛墨鱼丸河粉2个𩠌都好食，鱼皮鲛唔系四海个只，皮厚身过四海，但唔会过厚，亦得包得散过四海，但系可以接受的程度，里面的肉够扎实，几好食。墨鱼丸就几大粒，几弹牙，好好食。(3)腐乳通菜味道正常，啲菜唔会太老，无渣，唯一觉得腐乳落得太多，所以觉得有啲盐同埋油左少少。食菜个时，都会放系汤度浸走少少腐乳。由入到间舖，叫野食，到食完野，比钱走人都唔驶半小时，真系简单方便的一餐。