金功夫點心

营业中

休息中

同朋友做完嘢之后趁有时间去食啲嘢，其中一个朋友话想食点心，尖东地铁站行出嚟就见到呢间金功夫，所以就入咗去食多次。都系时间关系，下昼冇乜人，所以无论揾位坐同等嘢食嚟嘅时间都相对快。分别嗌咗生煎包、虾饺、马拉糕、凤爪、叉烧肠、烧卖、小笼包、山竹牛肉、同埋甜品。生煎包就要问佢先有比到醋我哋，唔知系咪平时本身唔预我哋要点储食。虾饺亦都系我哋问佢攞辣椒油先至有，味道还可以。马拉糕热辣辣出嚟，所以都算唔错。 凤爪还可以冇乜特别评价。叉烧肠都系普通酒楼肠粉嘅质素。烧卖比想像中足料，但系有一粒有少少筋。 小笼包系属于比较干身𠮶种，即系里面冇乜汤嘅，依个系个人口味要求。山竹牛肉亦都冇乜特别，喼汁要特别问佢攞多啲。甜品唔记得咗叫乜嘢名，食落去有少少干咗啲，同埋咁啱朋友唔系太钟意食椰丝，所以对佢哋嚟讲就争咗少少。