華星冰室 (克街)

营业中

休息中

今日陪个friend 去湾仔北帝庙还神，星期六早上训到九点，食个港式早餐再还神~好日都唔出湾仔，即刻上网睇下有咩冰室，揾到华星冰室有四粒星，就去了~十一点半入到去人头涌涌！都差唔多满座。坐低睇下有咩食，早餐时段已过，咁就食常餐。常餐叉烧意粉：忌廉鸡汤底，好浓味但唔咸，好味！叉烧唔多但都够食，好“林”。意粉唔会煮过火，岩岩好。煎双蛋：蛋黄系流心，加埋落碗粉度一齐食令个汤更浓郁。火腿正常啦，如果可以煎一煎就更好😋。多士烘底唔洗加钱，但因为我叫左个菠萝油就无食到啦。奶茶：怀旧的黑白淡奶杯，茶奶比例都岩岩好。菠萝油：上菜时系暖粒粒，面包松软，菠萝皮好脆，牛油未溶，冷暖交融好幸福😋总结黎讲都系一个简简单单既早餐，食物满意，餐厅装修几有感觉，仲有好多歌星既亲笔签名poster贴满墙身，几特别。