慶記 (已結業)

未搬过来大角咀时试过庆记，印象中捞面同生煎包味道都唔错。最近行经利奥坊，先留意到庆记搬咗新铺，地方比以前更为阔落宽趟，就一于入去食个晚饭。餐厅采用QR Code下单，疫情下减少接触，都系一件好事。点菜前，店员送上一壶桂花乌龙茶，最近天气转凉，有杯暖茶暖暖胃真好。茶熏煎软鸡拼卤肉庆面($66)茶熏煎鸡茶熏后比较深色，另上确保鸡皮依然保留香脆可口。鸡肉食落有淡淡茶熏香，颇为入味，不过就略嫌比较干身。开头以为卤肉庆面即系之前食过嘅捞面，点知上桌后先发现自己拣错咗汤面！第一次食卤肉汤面都几特别，份量好足，卤肉肥瘦均匀，不过我都系钟意食捞面多D，比较有嚼劲！巴东牛肋条菜饭($52)估唔到主打上海菜嘅庆面都有巴东牛肋条菜饭食！牛肋条份量慷慨，肉质软腍松化，酱汁惹味带浓浓香料味之余，调味又唔会好咸，我特别钟意食薯仔，炆得好淋又吸收酱汁嘅惹味，好容易送饭！如果菜饭多D菜就更好啦！红油百花抄手($52)呢个值得一试！一客有4件，每粒红油抄手都大大粒，毫不欺场！抄手皮做得好薄。入面馅料饱满，百花抄手用鱿鱼同虾肉打成馅，弹牙爽口，而且鲜味十足，配上香辣嘅红油，食唔停口！醉鸡件($30)鸡肉好嫩滑入味，食到阵