樂園魚蛋粉

营业中

休息中

刚刚尖沙咀见完客，经金马伦道，见到乐园鱼蛋粉，听讲都几出名。于是，就行入嚟帮衬。原来呢间店除左粉面以外，仲有饭食，好多款式选择。装修简洁，但座位都算宽敞，所以都坐得好舒服。而且服务员非常有礼貌，一入去门口，就好主动帮我安排座位。值得加分。我见价钱都好吸引，叫左个菜胆云吞鸡，跟白饭，呢度叫乐园鱼蛋粉，估计鱼蛋一定“正”，一定要叫多个净鱼蛋，慢慢品尝，饮品方面，就简简单单，叫左一支豆浆。菜胆云吞鸡～先讲一下，云吞有好几粒，食落云吞都好好味，虾肉都弹牙口感。而且，我无想到，浸汤嘅鸡都可以做到咁滑嫩。正呀！净鱼蛋～有鱼片头，又有白鱼蛋，一碗集齐两款口味。赞下次嚟食，要试下鱼皮先至得，仲要试牛腩，因为夜晚已经卖晒，我谂一定好味。