Felice Cafe & Pasta (已結業)

Lunch hour嚟到铜锣湾希云街周围都好热闹，今次就拣咗Felice Cafe试试😋午餐送迷你沙律，以黑醋同橄榄油调味够健康～蒜香杂菌意粉貌似简单但食落出奇地美味－意粉软硬度适中，每啖都充满住好香嘅蒜味，唔会因为冇酱汁而变得单调，加上炒香咗嘅杂菌，香味十足。烧汁豚肉意粉就有日式西餐炒意粉嘅味道，意粉一样沾满烧汁，薄片豚肉入味唔老，仲有三色椒同洋葱增添口感，带啲油份唔会干争争。午餐本身跟奶茶柠茶，但嚟到cafe都想试下啲特饮－牛油果同乳酸对肠道健康亦都好有益，打成沙冰清新易入口；菊花蜜滋润养生，啱晒长期对住电话电脑嘅上班族。