雄記美食

营业中

休息中

耳闻过呢间唔知开唔开，开咗又好多人排嘅雄记，好彩第一次去就食到。佢哋Instagram会公布当日营业状况，记得留意住。一个人lunch time食，等左10分钟左右就有位。好多款野食都想试，但大部分选项都系主食，最后拣左牛杂粥、煎蛋肠粉。-煎肠粉卖相之吸引，睇到都正。虾米肠同鸡蛋煎到好香脆，中间仲有啲蛋汁，配埋芝麻、甜酱、花生酱，正！-牛杂粥第一次听，食落几有惊喜。粥底唔系杰挞挞个只，比较稀，有种饮汤嘅顺滑感。牛杂新鲜无异味，几特别嘅组合，值得一试。餐厅环境好干净，亦有唔少老细嘅心头好玩具，成个感觉好有屋企味，加埋食物出色，难怪咁多人等佢地开门。