UCC COFFEE SHOP

营业中

休息中

见到个标题你都会明白，今次嘅食评就系简单、粗暴、享受。其实食嘢唔需要特别，只需要放松、享受、满足。今次呢个下午茶完全满足到你三点。朱古力香蕉窝夫呢个窝夫只不过系一个半份嘅份量，不过一啲都唔细，根本就系出面一个全份嘅份量。坦白讲朱古力同香蕉就冇乜好评论㗎啦，要评就评一评个窝夫。呢个窝夫，两个字，好正！首先，甜品师傅技术好好，完全系做得出外脆内软。基本上如果就咁食，其实你又可能会觉得有少少硬，但系如果你计算埋雪糕溶化之后，会令护肤湿咗后嘅软硬度，呢个真系冇得弹，非常好！而且窝夫本身就有一定嘅味道喺度，有少少微甜，唔似出面𠮶啲一啲味道都冇。总括而言系非常之好食！宇治金时窝夫（绿茶雪糕配红豆蓉）窝夫头先评论完啦，呢次到绿茶雪糕筒红豆蓉，我本人就觉得好好味，红豆蓉𠮶个甜度同软硬程度都非常之好，亦都有微微一粒粒嘅口感。推介！招牌咖啡呢度嘅咖啡，系用虹吸壸煮的。第一次尝试呢种咖啡，整个咖啡嘅香气叫埋老窦都比较强，未必每个人都接受得到，但系我就好钟意。特别特别系配上窝夫甜点，一流！绝对建议大家落单试一试。