Eski Mo's Frozen Yogurt (已結業)

本人一向比较懒写食评, 好多时都系过相落电脑先醒起要写。但系今次著实系唔快手d唔得, 因为杯froyo真系太可怕喇~ 可怕到连相都唔记得影......中午同同事响楼上彩福饮茶, 上酒楼前见到有间froyo, 大家已经话不如饮完茶落去食返杯。见openrice既食评都唔错, 心谂一试无妨, 虽然大家食点心食到好饱, 但女仔都系有两个胃架嘛, 于是大队操入去一人叫一杯做甜品!基本上我食froyo都会要原味yogurt + blueberry, 有时会加mochi, 所以冇睇佢柜里面d toppings就叫。拎埋位食先发现佢d blueberries竟然唔系新鲜生果, 而系罐头货 即系果d有一大pat紫色酱加又霉又淋又死甜既蓝莓, 吓到我同另一位叫左相同toppings既同事额角冒汗......望下佢d传单, 明明系话用新鲜蓝莓架㖞, 究竟发生咩树? 正想拎杯野去问个店员, 低头又吓然发现杯野已经溶左大半! 间铺都好够冷气吖, 点解会溶得咁快??? 未食已经溶到变晒液体既froyo, 再加埋d紫色酱, 真系已经唔知自己食紧咩......唉, 算数! 三扒两拨食晒佢, 唔系, 系"饮晒佢"。