雲桂香米線專門店 (已結業)

系尖沙咀做野做得夜左，食埋晚饭先走，简简单单食个米线就算，就黎呢间位于尖沙咀厚福街既云桂香米线专门店分店。呢间云桂香门口唔大，要行楼梯落地库。云桂香餐牌简单但自由度高，你可以拣面（米线，红薯粉或者水晶粉），配料，辣度（由唔辣到劲辣），可以走酸菜，又可以要求汤底淡d或者咸d，面爽d或者软d。当然亦有set好左既碗面唔洗伤脑筋。餐牌都有小食同饮品order。今晚想食得健康d，就费事谂，叫左虫草花鸡汤红薯粉同一款小食。虫草花鸡汤红薯粉 $48 加云吞 +$9虫草花鸡汤红薯粉可拣米线，米粉，红薯粉或水晶粉。酒味鸡汤底少油味道唔浓，汤底都好清淡下。鸡肉有十旧，大部分系鸡胸，都有鸡翼，正常切鸡，好多肉食下。配有几条生菜同虫草花。爱清淡人仕可考虑。红薯粉一贯烟韧滑溜，份量都正常。$9加左两粒巨型云吞，云吞系菜肉馅，由于馅多所以皮极厚，唔系广东人食开嘅云吞。秘制猪颈肉 $42小食叫左秘制猪颈肉，份量唔少。猪颈肉皮脆，肉质弹牙，我谂脂肪唔少。味道少咸，点随碟嘅甜酸酱食都ok。