簡單主意

营业中

休息中

去帮我朋友做嘢夜咗谂住叫外卖唔出去食，见到呢间啲嘢食好似都几好，所以试吓。分别去咗玉子筑前煮牛肉丼同埋滑蛋猪扒丼，牛肉饭个味道都几浓味，饭亦都好足够，牛肉饭系唔错嘅，亦都食得饱。滑蛋猪扒饭个蛋亦都好滑，猪扒方面可能因为外卖冇分开装嘅关系，嚟到嘅时候炸猪扒已经淋咗，猪扒本身冇问题，包装亦都好，不过因为冇分开装嘅关系个炸猪扒外面真系好淋，所以呢部份真系有少少扣分。另外惊住唔够饱，所以嗌多份手羽饺子同埋两只溏心蛋，饺子味道冇乜特别，不过佢冇比到醋或者其他调味料我哋。糖心蛋味道还可以嘅，但系个人来讲糖心蛋就比较偏熟咗少少。不过整体来讲，如果有机会都会试多次其他食物嘅。