翠華餐廳 (已結業)

朋友系观塘海滨果边返工，放工约食饭就拣左附近呢间餐厅，因为网上睇相装修好简约好舒服。两个人饿鬼上身咁叫左好多野食😆鲜虾杂菜沙律配柚子油醋汁 $58沙律菜好新鲜好靓，虾有弹性，有轻轻煎过，仲有个柚子油醋汁好清新，好开胃！芝士酱炸薯条 $32呢道菜上菜果阵真系哗一声！碗芝士超级香浓！完全估唔到系咁！芝士酱所用嘅芝士应该唔止一款，薯条新鲜炸，热辣辣，点芝士可以拉到丝，好好食，芝士控一定要点！多到点唔晒！K-Pop 炸鸡 $32炸鸡都系新鲜炸，酱汁甜辣度啱啱好，有啲蒜味，我仲点埋薯条啲芝士落去，自创新口味！😆人参鸡汤浸娃娃菜 $58点人参鸡汤浸娃娃菜之前，staff 提我地呢道菜里面会有原只人参鸡，但我地主要想食菜，所以都决定拣呢道。个汤好滋补浓郁，娃娃菜索晒啲味，入面其实系有鸡肉，食完小食，我觉得呢个菜好啱中和一下。感觉非常健康又好味。干炒黑松露杂菌扁意粉 $78意粉有黑松露同埋菇味！依家唔会太淋太硬，唔错！特饮 手工姜汁撞奶茶 $23特饮 柚子柠檬茶 $26冻柚子柠檬茶好清爽，朋友比较养生，杯姜汁撞奶茶都好香姜味。