娜多歐陸餐廳 (已結業)

今日同男朋友一齐放假，上一次同屋企人讲开好耐无食过娜多了，因为以前系附近返工，lunch hour 同啲同事都会去食，不过自从转佐公司就少机会食了 。所以今日重回旧地，但价钱已经上升不少啦同男朋友约十二点去到都要系门口等一阵，入到去被安排二人坐位啦。好彩见到个二人餐，都好底食!有款pizza, 一个饭同一个小食，仲有汤或野饮或沙律(如果三样都有就更好啦)。 我地叫佐个夏威夷pizza, 黎既时候已经唔热，不过食落就好脆口，唔算厚皮，材料都唔算多，只靠沙律酱吊味，仲有个芝士海鲜饭我就觉得麻麻地，饭好硬，海鲜唔算多，芝士味都唔算浓，只系觉得白汁好杰同淡…最好食系鸡翼，仲系脆同热既!总括而言，呢个价钱都算值既。但下次会再试下马鞍山其他西餐厅😂