Foodeli (德福廣場2期)

营业中

休息中

中午喺度食，今日容易揾位，环境亦算坐得舒服，呢度有好多选择，今日就帮衬咗间叫济州烧肉食堂，叫咗个韩式炒粉丝，同埋泡菜猪肉锅配饭，呢间嘢算系叫做饱肚之选， 不过下次再嚟呢度嘅话，应该会选择其他，试下其他食物 。韩式炒粉丝 加荔枝梳打$84韩式炒粉丝份量算几多，但系里面牛肉偏小，切到好细一条条，食落冇乜口感，即系都唔知道食咗条牛肉，菜同粉丝都多，唔介意牛肉偏细偏少嘅话，都算系饱肚选择之一，味道亦唔差嘅。泡菜猪肉锅配饭加 Coke Zero $74泡菜猪肉锅里面嘅泡菜多过猪肉，而且泡菜好似有渣，即系口感唔系咁好。味道唔会太辣， 跟个白饭都算啱啱好。