韓國錦城飯店 (已搬遷) 新店位置

一直对韩式烤肉无好感,总觉得韩国人对烧烤肉类调味处理得麻麻,来来去去一个味!(如果有去过韩国的话就会明白,当地很多食店卖来卖去都是一些以内脏为主嘅㶽,真正烤肉少之又少!尤其是牛肉对当地来讲算穷奢极侈...自己人都少食,更何况开铺做生意？)但屋企人想食,无计！六个人叫咗:烤牛肋骨,牛脷同鸡肉----一如所料三款味道都一样,鸡肉同牛脷比较普通易入囗,牛肋骨就有橡皮Feel!前菜----泡菜比较酸,其它无特别.蛋煎鱼----件鱼本身无味,味道全靠个酱汁!趁热食都OK!韩式炒年糕----配料一般,年糕偏硬,个汁就几好味！石头饭----全晚最欣赏呢样！够哂热,一边捞一边吱吱声出晒烟,暂时你香港食过最正呢个!海鲜葱油饼----热辣辣咬落去有好多鱿鱼粒粒,够脆够香口味道唔错！成吉思汗(唔知有无记错）----一大㶽杂菜加一碟牛肉同薯仔面,当滚到Ｄ菜出晒味后再渌牛肉同面,个汤好甜好正！食物好明显是煮的比烤好!服务唔错,柜面一男一女笑容满面!