上海姥姥 (康怡廣場北座)

营业中

休息中

同妈行完Aeon，就行去康怡广场食晏，今次好想食上海嘢，于是拣咗食上海佬佬，入到去坐低，职员见到我哋个手袋都几大，就攞咗个篮俾我哋放手袋。跟住我哋就开始睇餐牌，然后用自己手机Scan QR code 后就可以开始点餐，而我哋就点咗一个雪菜肉丝炒年糕$74，一个鱼汤鱼肉云吞拉面$65，等嘅期间，我哋都觉得啲茶好好饮，好滑好香。 大约10分钟就有得食啦，首先雪菜肉丝炒年糕，年糕炒得好弹牙，味道亦啱啱好，肉丝都好嫩口，至于鱼汤鱼肉云吞拉面，汤底亦唔会好油，水饺皮薄馅多，好味道，两样都感觉系少盐少油，份量又啱啱好，唔会太少亦唔会太多。总结：食物水准高，食客相对都好多，不过职员服务就一般般。