影片
更多
2024-11-05
450 浏览
又嚟到铜锣湾呢间又靓景又好气氛嘅餐厅，今次感觉少一分fancy 但多一点神秘感，因为换上咗万圣节嘅装饰啊！超有气氛！每张枱坐底都有个迷你bath tube nuts，上次冇留意到今次望落又几似泡泡浴～点个西班牙八爪鱼脚配加太罗尼亚红椒坚果酱，一如既往摆盘咁靓，仲有食用鲜花衬托，酱汁有浓烈椒香味，香烤八爪鱼烧得刚好唔会韧，仲有微辣嘅感觉，打开口胃。澳洲M3和牛肉眼扒虽然唔系厚切，但脂肪够均匀，咬开满口油香同肉香，简单嘅调味已经令人食指大动！配埋topping 嘅烤蒜粒更觉惹味！另一样主菜法式龙虾汁意大利饭伴烤龙虾尾，龙虾肉非常爽弹香口，意大利饭粒粒饱满充满龙虾汁精华，值得一赞嘅系除咗龙虾肉之外，意大利饭仲伴有鱼肉，八爪鱼等海鲜，非常足料！咁靓嘅环境点可以唔叫返杯嘢饮，Pina Colada 同H.L.S都有满满椰香味，无论有油同冇酒精嘅饮品一样吸睛又好饮！食饭途中见到隔篱枱啲好靓嘅火焰Cocktail，侍应会帮忙点火，酒杯外围瞬间烧着，即刻哇声四起！喺高空美景下点返杯嚟打卡，真系一流！呢个仲有三层架tea set，日光下chill 住睇埋靓肯定更加写意～有机会再试！
每张枱坐底都有个迷你bath tube nuts，上次冇留意到今次望落又几似泡泡浴～点个西班牙八爪鱼脚配加太罗尼亚红椒坚果酱，一如既往摆盘咁靓，仲有食用鲜花衬托，酱汁有浓烈椒香味，香烤八爪鱼烧得刚好唔会韧，仲有微辣嘅感觉，打开口胃。
澳洲M3和牛肉眼扒虽然唔系厚切，但脂肪够均匀，咬开满口油香同肉香，简单嘅调味已经令人食指大动！配埋topping 嘅烤蒜粒更觉惹味！
另一样主菜法式龙虾汁意大利饭伴烤龙虾尾，龙虾肉非常爽弹香口，意大利饭粒粒饱满充满龙虾汁精华，值得一赞嘅系除咗龙虾肉之外，意大利饭仲伴有鱼肉，八爪鱼等海鲜，非常足料！
咁靓嘅环境点可以唔叫返杯嘢饮，Pina Colada 同H.L.S都有满满椰香味，无论有油同冇酒精嘅饮品一样吸睛又好饮！
食饭途中见到隔篱枱啲好靓嘅火焰Cocktail，侍应会帮忙点火，酒杯外围瞬间烧着，即刻哇声四起！喺高空美景下点返杯嚟打卡，真系一流！
呢个仲有三层架tea set，日光下chill 住睇埋靓肯定更加写意～有机会再试！
张贴
