影片
更多
2022-12-30
848 浏览
LIFETASTIC Patisserie📍元朗朗日路9号形点I2楼2065号舖继上次食过两款奇特口味嘅蛋糕，今次我同朋友一齐试咗呢款无咁伏嘅蛋糕，仲系节日限定嘅添，算系帮呢间饼店平反一下！[ 价钱 Price] 💰$85日本柚子朱古力蛋糕 🍊🍫🍰有食过朱古力蛋糕嘅都知，要拣到一款甜度适中、唔会太腻嘅朱古力蛋糕系一件难事。好多时朱古力味会太甜太假，有阵时又太苦太腻，但呢款朱古力蛋糕嘅甜度恰到好处，佢用嘅朱古力偏浓，苦中带甜，好啱我口味！蛋糕面挤咗朱古力忌廉，口感轻盈；佢哋特别用柚子同白朱古力做咗两层夹心，果香好清新，同浓厚嘅朱古力互补，唔会食到好颈渴，加埋用朱古力brownie做嘅饼底，真系估佢唔到又几好食！赞咗咁多，点解都系拎唔到五粒星呢？原因好简单，就系加入柚子原意系想用佢嘅酸甜味中和返浓浓嘅朱古力味，但我哋食到呢件柚子就有少少苦涩味，如果冇嘅，就真系可以拎到五粒星啦！试过呢次期间限定嘅，又对佢哋嘅蛋糕多番啲信心，唔知下次又有啲乜嘢新奇限定口味嘅蛋糕呢？
📍元朗朗日路9号形点I2楼2065号舖
继上次食过两款奇特口味嘅蛋糕，今次我同朋友一齐试咗呢款无咁伏嘅蛋糕，仲系节日限定嘅添，算系帮呢间饼店平反一下！
[ 价钱 Price]
💰$85
日本柚子朱古力蛋糕 🍊🍫🍰
有食过朱古力蛋糕嘅都知，要拣到一款甜度适中、唔会太腻嘅朱古力蛋糕系一件难事。好多时朱古力味会太甜太假，有阵时又太苦太腻，但呢款朱古力蛋糕嘅甜度恰到好处，佢用嘅朱古力偏浓，苦中带甜，好啱我口味！
蛋糕面挤咗朱古力忌廉，口感轻盈；佢哋特别用柚子同白朱古力做咗两层夹心，果香好清新，同浓厚嘅朱古力互补，唔会食到好颈渴，加埋用朱古力brownie做嘅饼底，真系估佢唔到又几好食！
赞咗咁多，点解都系拎唔到五粒星呢？原因好简单，就系加入柚子原意系想用佢嘅酸甜味中和返浓浓嘅朱古力味，但我哋食到呢件柚子就有少少苦涩味，如果冇嘅，就真系可以拎到五粒星啦！
试过呢次期间限定嘅，又对佢哋嘅蛋糕多番啲信心，唔知下次又有啲乜嘢新奇限定口味嘅蛋糕呢？
张贴
