LIFETASTIC Patisserie (形點 I)

营业中

休息中

上網睇到呢間既cake唔錯，升左職諗住預訂35件請老細同事食，因為一路都係網店睇開，諗住去實體店睇睇，順便想向店員查詢，但店員表演得唔耐煩，回答不清不楚態度惡劣，真係唔會貼錢買難受，店員純粹幫公司倒米

咁啱遇到快閃優惠，件裝蛋糕買一送一💟芒果西瓜蛋糕芒果口味中間的西瓜比蜜柑的西瓜新鮮，西瓜蛋糕配芒果味也不錯。💟蜜柑西瓜蛋糕蛋糕比較濕，蜜柑配西瓜味道也相配，也是好吃的。

不嬲都好鍾意LIFETASTIC嘅草莓西瓜蛋糕，但妹子係荔枝控，所以就揀咗荔枝烏龍茶蛋糕，和她慶祝生日，重好配合依家春天嘅天氣，但最後發現係冇咩荔枝⋯⋯😂LIFETASTIC除咗出名選用新鮮嘅食材外，水果蛋糕配以粉色，帶來視覺及味覺嘅享受，最重要係可以打咭🥰荔枝烏龍茶蛋糕蛋糕頂層有荔枝，荔枝啫喱，荔枝忌亷，荔枝好大粒，少甜多汁，荔枝啫喱冇特別，而粉紅色忌廉就食唔出有荔枝味，中層以海綿蛋糕夾雜荔枝軟糖，海綿蛋糕比較乾硬，一啲都唔鬆軟，荔枝軟糖切到細細粒，食落就好似係雪硬咗啫喱，好清淡，底層係海綿蛋糕加烏龍茶朱古力醬，唔係睇番介紹我都唔知有烏龍茶係度😳，可能朱古力醬有少少水份，所以呢層嘅海綿蛋糕比較濕潤鬆軟，算叫做有驚喜。下次都係買番草莓西瓜蛋糕😁

LIFETASTIC PATISSERIE有一日收到電郵，話抽中咗我食LIFETASTIC PATISSERIE日本草莓蛋糕！1.日本草莓乳酪蛋糕$428呢間蛋糕店 @lifetastic_hk 日本草莓乳酪蛋糕，乳酪蛋糕非常幼滑，又唔甜，蛋糕面上又有8個半粒日本草莓，草莓非常新鮮又甜，1d酸都無，入面係海綿蛋糕，蛋糕好軟綿，中間仲夾住草莓忌廉同草莓果肉，最底層係乳酪忌廉！地址：元朗朗日路9號形點 I L2樓2065號舖Please follow me🙆‍♂️ 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#ulifestyleapp #ulifestylehk #LIFETASTIC PATISSERIE #日本草莓蛋糕 #乳酪蛋糕 #蛋糕 #香港製造 #香港美食 #生日快樂 #hkkol #hkboy

小編期待左好耐既西瓜蛋糕🥰最近終於的起心肝去買！其實仲見到好多唔同味，不過第一次當然要試下佢既招牌啦😤😤😤😤🍰 招牌草莓西瓜蛋糕 $78用料係官網睇係包括開心果、玫瑰花瓣、草莓、葡萄、玫瑰味忌廉、西瓜，杏仁餅底🤣見到杏仁餅底即時覺得好健康！Ummmm不過就大家留意下，唔係每個人都接受到杏仁味🫣🫣🫣 小編就還可以既，不過用黎做餅底好似都係怪怪的，令到個蛋糕口感好粗糙🤣另外，西瓜同草莓我覺得一啲都唔夾😂有大件裝好似係$398，預訂仲可以加埋生日牌🤣覺得打卡是一流的，但味道就…. 見人見智了🫣大家如非要打卡，建議可以試下其他味😂

LIFETASTIC Patisserie📍元朗朗日路9號形點I2樓2065號舖繼上次食過兩款奇特口味嘅蛋糕，今次我同朋友一齊試咗呢款無咁伏嘅蛋糕，仲係節日限定嘅添，算係幫呢間餅店平反一下！[ 價錢 Price] 💰$85日本柚子朱古力蛋糕 🍊🍫🍰有食過朱古力蛋糕嘅都知，要揀到一款甜度適中、唔會太膩嘅朱古力蛋糕係一件難事。好多時朱古力味會太甜太假，有陣時又太苦太膩，但呢款朱古力蛋糕嘅甜度恰到好處，佢用嘅朱古力偏濃，苦中帶甜，好啱我口味！蛋糕面擠咗朱古力忌廉，口感輕盈；佢哋特別用柚子同白朱古力做咗兩層夾心，果香好清新，同濃厚嘅朱古力互補，唔會食到好頸渴，加埋用朱古力brownie做嘅餅底，真係估佢唔到又幾好食！讚咗咁多，點解都係拎唔到五粒星呢？原因好簡單，就係加入柚子原意係想用佢嘅酸甜味中和返濃濃嘅朱古力味，但我哋食到呢件柚子就有少少苦澀味，如果冇嘅，就真係可以拎到五粒星啦！試過呢次期間限定嘅，又對佢哋嘅蛋糕多番啲信心，唔知下次又有啲乜嘢新奇限定口味嘅蛋糕呢？

LIFETASTIC Patisserie📍元朗朗日路9號形點I2樓2065號舖最近同人慶生，我食咗呢間蛋糕店好出名嘅方型個裝蛋糕。呢次並唔係我第一次食佢哋出品嘅蛋糕，對上一次食係有機焙茶香蕉蛋糕，以為貴就唔會伏？錯啦！佢嘅蛋糕嘅味道真係好神奇，唔可以話超難食，但絕對談不上好食，感覺好overpriced。今次俾多次機會試佢哋嘅蛋糕，唔知係會出奇地好食，定係虛有其表、伏到核爆呢？ 💰$78班蘭芒果紫米蛋糕 🥭🍰睇完食材表同成份，大概明白佢想走一個咩風格，估計都離不開東南亞fusion嘢。呢個班蘭蛋糕雖然外表唔太討好，但估唔到佢斑斕味好香好重， cream嘅口感亦都好light，唔會好漏。明白加紫米可能係想令件事更加有東南亞甜品嘅feel，但食落唔太夾，反而畫蛇添足，扣咗分。芒果亦唔太當造，好酸，令個本身已經唔係好甜嘅蛋糕更酸更唔夠好食。 💰$85無花果紅桑子芝士蛋糕 🫐🧀🍰食得出食材係天然新鮮嘅，但cream cheese味好淡，對於我呢啲重口味人士嚟講，好似食緊普通海綿蛋糕咁。上面嘅無花果同紅桑子亦唔夠甜，甚至有啲過酸，無辦法帶出個蛋糕嘅甜味，惟一可以讚嘅就係佢應該好適合要控制糖份攝

元朗的Lifetastic經常排滿很多人！多款精美甜品放在專櫃內，價錢中上！西瓜蛋糕必吃！西瓜爽口，食落索索聲，味道很甜！甜品層次分明，Cream亦非常吸引好味！不會太重奶油味！

同事last day,想訂一個靚靚蛋糕同佢歡送一下。跟住就揀左lifetastic荔枝西瓜蛋糕(覺得佢個名幾有意思）。其實佢價錢一啲都唔平，細細個18cmx18cm已經要398蚊。唔緊要啦，心入面諗如果好食同埋靚都係值得嘅。結果食完大家不約而同都覺得好似番鹼水味。荔枝味好假，西瓜本身係甜嘅，但係同成個蛋糕 唔係好夾。成個蛋糕唔算好清新，算係吹波糖味。你問我係咪好靚我都係覺得一般。而家啲蛋糕越來越貴，我寧願用400蚊買一個平實但好味嘅，多過一個唔好睇又唔好食嘅。

有朋友生日諗住買生日蛋糕，經過Lifetastic Patisserie 見到蛋糕面放滿玫瑰花瓣，感覺很靚，價錢又唔貴，細嘅係$398，便問店員可否寫字，她説可以，還可即時取，於是便買了。生日蛋糕永遠都係飯後才食，每次都是不情願地食晒，但今次不同，個個都好開心地食晒，因為第一啖食落去係果凍味道，又有士多啤梨，再咬落去，係西瓜，完全感覺好 Fresh，好清新嘅感覺，好適合食完飯食，完全冇忌廉蛋糕 “漏” 嘅感覺。後來得知，這個蛋糕叫 Watermelon Strawberry Cake，是這間 signature 👍🏻，值得推介😋

昨天下午約5:15分到Yoho 分店取蛋糕，到達時只有一名店員，正蹲低接外賣機的單，我企在對方面前，等佢接完張單先，當時好肯定佢見到面前有人，但佢完全無視我，接完張單企返起身繼續睇張單，然後擰轉身攞起個紙盒摺，再去蛋糕櫃夾起一件蛋糕放入盒，再行去放入另一邊嘅凍櫃等人黎攞，其間我一直望住佢睇吓佢幾時先會理我，佢亦都一句唔好意思等我一陣都冇講過，終於佢行返過嚟望住我，我亦都遞出我電話比佢睇我張訂單攞蛋糕，對方攞完蛋糕比我望，跟住佢問左一句啱唔啱，我話啱，佢就入盒入袋，然後佢喺枱面推袋蛋糕過嚟比我，一句多謝拜拜都冇講，而且全程好似我殺佢全家咁嘅面口，真心希望店方好好培訓員工，服務性行業基本禮貌是必需吧，縱使你心情唔好，亦不應發洩喺客人身上，花費幾百蚊滿心歡喜取生日蛋糕，卻受了一肚氣，即使你的蛋糕做得再好食，有咁嘅員工亦都唔會有回頭客，至少我唔會再幫襯，再者，貴店的蛋糕也不是十分出色

一向都幫襯開尖沙咀同西環。態度服務都好好。見元朗開左分店所以突登黎買，叫媽咪join會員。知道join會員有開卡優惠，所以問清楚。店員cherrie 好唔耐煩:買一送一或9折媽：咁買一送一可以買幾多件？店員繼續用超差態度：幾多件都係買一送一。最後媽咪揀左6件。店員：$390媽咪：e?唔係買一送一？店員：岩丫，買幾多件都係買一送一。呢5件要比錢，呢一件送。最後買完連一句多謝都無。點解店員唔講清楚就算買幾多件都係送一件？唔係錢既問題，因為我都幫襯開，就算佢係送一件我地都會照買。但態度真係超差，如果唔係有客，我一定忍唔住鬧佢。佢個眼神好似覺得我地買唔起。第一次寫食評，因為真係忍唔住。就算幾好食都好，有咁既店員，真係幫襯唔落

一直都好想食呢間蛋糕店，見佢疫症關係做緊免費送貨，就同同事決定買來試吓。總共叫咗八件蛋糕榴蓮芝士蛋糕、蝶豆花藍莓芝士蛋糕、有機陪茶香蕉蛋糕、芒果柚子蛋糕、荔枝西瓜蛋糕、招牌草莓西瓜蛋糕、青提刁草蛋糕生酮、可可芝士蛋糕。我覺得榴槤芝士蛋糕最好食， 榴槤味香濃食落去口感棉滑，唔係$85來講就有d overpriced.碟豆花同青提都冇咩驚奇。芒果重滿宮味嘅 不過小小酸。 士多啤梨就好酸，非常失望。 不過最唔推介嘅就係生酮可可芝士蛋糕，好鹹，同想像中甜品嘅期望差好遠。

見到一個價錢，其實都嚇咗一跳，平均一件蛋糕需要$85 ，喺香港來講佢已經差唔多超出酒店嘅收費，但係我都買咗兩件去試吓，睇吓係咪真係好好食啦。結果我真係有失望，味道水平其實唔係難食嘅，不過收超高價錢，比酒店還貴，頭佢收一半價錢會比較合理。另外，造型方面只不過係好一般，冇款式啦，四四方方咁囉，有啲餅我見到佢都係過分濕嘅。如果我用呢個價錢，好肯定我會喺酒店買，起碼個造型都靚好多。可能佢將啲cost放晒喺度做包裝嗰度囉…包裝係靚嘅

最近發現這家新開的餅店，門面的雪櫃放滿色彩繽紛的蛋糕，不但是一種視覺享受，而且令我垂涎。我忍不住誘惑，買了兩件蛋糕回家慢慢品嘗。店員給了硬身的紙袋，內裡也是硬身的紙盒，單是包裝已經無可挑剔。打開紙盒，兩件蛋糕已經像閃閃發光般在我面前，而蛋糕旁邊放有乾冰，保持冰冷，夠細心。招牌草莓西瓜蛋糕（$78）把西瓜放進蛋糕還是第一次見，真的要試試它有甚麼驚喜。最表面是食用玫瑰花瓣和開心果碎，給予不錯的口感。然後是葡萄和草莓藏在果凍內，水果的鮮味動人。下層是玫瑰味忌廉和杏仁餅底，忌廉軟滑，味道微甜。餅底給予飽肚感。再底下就是鮮甜多汁的西瓜了，把它配草莓吃，亦沒有違和感。栗子吉士忌廉蛋糕（$85）這件稍為更昂貴，究竟質素如何呢？表面是一整顆栗子，下面的栗子忌廉很入味，但不算太甜，適合注重健康的朋友。再下層的雲尼拿忌廉和吉士忌廉亦香滑，而且味道濃郁，最底層的糯米餅底煙韌。總括來說，味道相當不錯，下次希望賞試不同的款式。