築地日本料理 (金百利廣場)

营业中

休息中

好耐好耐无黎呢间位于铜锣湾既地点超方便既筑地日本料理！铜锣湾港铁站出口一出，行几步路就到啦。呢间筑地日本料理主餐牌选择好多，有刺身，寿司，卷物，沙律，前菜，创作寿司，烧物，炸物，锅物，严选料理，鱼生丼，拉面，饭类，甜品，而重点系价钱都唔算贵，又无加一服务费。之前试过呢度嘅石锅饭，好正。今次一于试吓未食过嘅石烧鳗鱼炒饭。另外再叫左两款未食过嘅卷物。叫少少野食黎个二人早晚饭。石烧鳗鱼炒饭 $95石烧鳗鱼炒饭用热石锅上，热辣辣。除左弹牙肥美鳗鱼块，仲有粟米粒，滑蛋同葱花，个汁甜甜地，炒饭好湿润，连埋咁多配料口感都唔错，好好味。海胆带子卷 $68 + 加州卷 $32海胆带子卷一客四件，餐牌写明有青瓜，牛油果，蟹柳，带子，海胆。饭卷包住青瓜，蟹柳同少量牛油果，上面有一块火炙左嘅薄切带子同少少creamy海胆，海胆食落都唔算腥。加州卷一客四件，饭卷包住蟹柳，青瓜同滑溜嘅牛油果，外面加左唔少蟹籽。跟石烧鳗鱼炒饭仲有个味增汤，个汤好热，有豆腐粒，海带同葱花，正常。座位正常，坐得都ok。