餃掂手工餃子雲吞專門店

同朋友行完街已经到夜晚拎住好多嘢，又唔想麻烦就入咗呢一间平民饭堂都食晚餐。糖心龙凤蛋其实即系糖心蛋但系面头在点上一小撮黑松露同埋白松露酱。糖心蛋唔算太流心，但系食落去好香蛋黄味。松露酱就系点缀返。韮菜饺配状元汤呢个就比较清淡一啲，食韮菜既原味，但系每一个馅料都好饱满。状元汤就好清，完全冇落味精，得闲食下啲比较清淡嘅嘢清清肠胃都唔错。四川凉皮我叫咗微辣，凉皮爽口，酱汁酸酸甜甜，好开胃。芝士猪肉饺我嘅至爱，芝士味好浓，外皮煎到非常香脆。蜜汁鸡翼甜甜地，鸡翼外皮亦都煎得微脆，唔错。