影片
更多
2013-03-29
252 浏览
11月30日, 夜晚庆祝嘅主要一个环节当然系生日大餐, 当然我都一早决定咗去边到食, 而奄奄尖尖嘅呀菲又会有意见, 最后就去咗一间佢话事嘅餐厅啦~ 喺一间商厦入面, 门面唔算大, 座位数都唔多, 好在我地冇book枱都有位, 侍应都有介绍我地食乜好, 服务都几好.::: Onion Bread :::呀菲话佢地嘅面包系自家制, 所以我地都谂住叫d嚟试~ 个menu都有几多款架㖞, 咁多个之中我地叫咗2个, 其中一个系洋葱包.个面包都几大个, 大过平时面包舖买𠮶d~ 洋葱包味道香甜, 有淡淡嘅洋葱味, 咬落个包好松软, 你话佢系即叫即做都唔算夸张, 当然唔系啦, 不过个新鲜感唔会喺其他厅餐食嘅面包感受到~除咗面包本身有味, 随面包碟仲附上4种调味, 包括黑醋、橄榄油、蕃茄酱同原个蒜头~ 除咗普通嘅黑醋橄榄油, 蕃茄酱都几好味, 蕃茄味唔系好酸, 但系都好清新~ 另外都要一提个蒜头, 好淋又好够香, 蒜味丰富, 令本身个面包增添唔同味道~::: Cheese Bread :::呢个芝士包味道比洋葱包浓, 亦都比较咸, 所以就咁食唔驶加咩调味都好足够! 不过, 当然加少少蕃茄酱味道又唔错~
::: Onion Bread :::
呀菲话佢地嘅面包系自家制, 所以我地都谂住叫d嚟试~ 个menu都有几多款架㖞, 咁多个之中我地叫咗2个, 其中一个系洋葱包.
个面包都几大个, 大过平时面包舖买𠮶d~ 洋葱包味道香甜, 有淡淡嘅洋葱味, 咬落个包好松软, 你话佢系即叫即做都唔算夸张, 当然唔系啦, 不过个新鲜感唔会喺其他厅餐食嘅面包感受到~
除咗面包本身有味, 随面包碟仲附上4种调味, 包括黑醋、橄榄油、蕃茄酱同原个蒜头~ 除咗普通嘅黑醋橄榄油, 蕃茄酱都几好味, 蕃茄味唔系好酸, 但系都好清新~ 另外都要一提个蒜头, 好淋又好够香, 蒜味丰富, 令本身个面包增添唔同味道~
::: Cheese Bread :::
呢个芝士包味道比洋葱包浓, 亦都比较咸, 所以就咁食唔驶加咩调味都好足够! 不过, 当然加少少蕃茄酱味道又唔错~ 整体2个面包都好有水准, 估唔到喺一间餐厅食到咁松软新鲜嘅面包~
::: Insalata di Burrata, Meloni e Prosciutto – Burrata, Melon & Prosciutto ::: $169
前菜小食嘅选择都唔少, 因为大多都好有特式我地都要拣好耐先决定到~ 而小食又可以用60%嘅价钱叫一个份量少d嘅, 好似一个tasting menu咁, 即可以平d, 又可以试多几样~
先叫咗一个火腿~ 一人有一件, 看似份量唔多, 但系味道丰富, 火腿比较薄身, 味就唔系好咸~ 火腿包住嘅仲有无花果、芝士同蜜瓜~ 火腿配上个同样唔系好浓味嘅芝士食都几夹个味, 无花果实实地好感觉好得意, 味道都几鲜甜, 另外再加埋个好juicy嘅哈蜜瓜, 非常清甜好开胃~
::: Pacchetto Funghi e Tartufo – A “Parcel” of Black Truffle & Wild Mushrooms ::: $169
第二个小食我地见佢个名咁得意就叫咗~ 个名意思系一个黑松露野菌包裹~ 原来系一个黑松露野菌嘅酥皮批, 外面再加添个野菌酱汁, 未食闻一下已经好香,个汁望落都好吸引~ 一口咬落十分热辣辣嘅酥皮口感松脆, 有啱啱焗起𠮶只㶶味, 而野菌酱汁就系成个dish嘅灵魂, 好creamy好重菌味, d菇都好弹牙爽口, 十分唔错~ 只不过黑松露可能份量唔多, 味就唔够浓, 俾个野菌味比下去… 因为个酱汁够多, 就算酥皮批里面嘅野菌唔多, 都可以点周边𠮶d, 每一啖批都有丰富嘅味道, 好食!
::: Porchetta – Roasted Rolled up Boneless Suckling Pig with Chestnuts & Borlotti ::: $359
乳猪平时喺欧洲菜都会食到, 意大利式就真系第一次食~ 今次呢个乳猪肉仲配上栗子同意大利红豆, 好期待~ 上枱喇, 原来$3XX嘅乳猪换来3件嘅份量, 再喺边边放上栗子制嘅酱汁… 原本心想有乜咁矜贵呢, 食咗就知物有所值~ 外脆内软嘅乳猪肉好有层次感, 层皮烧得十分香脆惹味, 而肉又好嫩滑, 完全见唔到皮同肉之间有肥膏, 但系肉又唔会好干, 有少少油咁, 但系带少少油咁样先至食到乳猪香~ 再点一下个栗子汁, 甜味十足, 栗子都好好味, 质地软腍够汁又带甜, 除咗个野菌包裹呢个都好好味!
::: Risotto all'Aragosta – Lobster Risotto ::: $289
个龙虾意大利饭就有少少失色, 可能我地都已经食过一次非常好味嘅龙虾饭, 所以再食其他嘅就会有要求. 龙虾只有半边, 肉嘅份量都唔算多, 好在肉地都仲叫鲜, 弹牙感唔丰富, 喺呢d地方食只可以算合格… 个饭呢比较湿, 汁就多, 但系龙虾味真系一d都唔浓烈, 如果用半边龙虾汁本身应该卓卓有余, 饭嘅份量又唔多,但系好似个汁系用水开出嚟咁, 麻麻…
::: Tiramisu ::: $78
生日唔少得要叫个birthday cake~ 就叫咗呀菲最钟意嘅tiramisu! Tiramisu唔算好大件, 但系mascarpone cheese质地够软滑, 食落有阵清香芝士味~ 不过佢就唔系用lady fingers, 反而系一只类似lady fingers质地嘅蛋糕, 咖啡酒味浓而不呛, 同芝士忌廉味道互相配合~ 好好味呀!
呢度嘅意大利菜式都叫特别, 好似好地道, 意大利家庭feel十足, 整体成间餐厅都几浪漫, 暗暗嘅灯光好好情调~ 只系毕竟呢间商厦个间隔有d怪, 搞到个餐厅环境好窄, 有d俾人压迫嘅感觉… 价钱系中上价, 同呢个地方好似唔太配合, 但系个食物质素确实有水准, 周不时食下都几好嘅.
张贴
