一風堂 (朗豪坊) (已結業)

鸡酱油拉面（3.5）特制赤丸新味（3.5）首先讲下个鸡酱油拉面先～面嘅软硬度我都系拣咗普通，所以都正正常常。配菜方面都系𠮶啲嘢，竹笋、海带、呜门卷，因为呢个系鸡酱油拉面，所以除咗两块豚肉之外，佢仲有比三块薄嘅鸡肉，佢系鸡胸肉嚟嘅，唔算Juicy得黎仲有少少干柴，块鸡又冇乜味，豚肉就好少少嘅，起码肥瘦适中啦～但系味道都系唔算重，个糖心蛋嘅味道都系不过不失，唔够入味。呢个拉面嘅重点就系个汤啦，因为平时比较少见鸡汤拉面，所以先嗌咗佢，佢个汤底系用清鸡汤同埋鱼介汤混合嘅汤，味道偏淡，我本身预计佢个味系会浓厚少少，但系佢味道偏淡得来又冇乜层次感，有少少失望～另外𠮶个特制赤丸新味拉面，有嘅配料都系最基本拉面嘅配料，豚肉都系同鸡酱油拉面入面嘅豚肉一样，不过不失。赤丸面嘅汤底系猪骨汤底，啲汤略嫌有啲少，唔够多，不过啲汤就咁饮咗啖都唔错、几浓郁，不过上面嘅辣酱有啲少、又唔够辣，捞完之后觉得成碗野同原味冇乜太大分别，如果有多啲酱嘅话，相信会更加试到佢赤丸拉面嘅味道环境方面，因为佢系处于朗豪坊入面嘅，唔算系独立门店，舖头出面果条路系可以通往food court嘅，所以都多人喺度行嚟行去，位置坐得舒服嘅，但系