祥利冰室 (已結業)

一家经常光顾的冰室，怀旧得来阔落整洁,仲有楼上雅座，可以慢慢叹，睇吓报纸杂志都唔会有人赶你走，食物质素当然有番咁上下。最钟意嘅食品有:猪扒/鸡翼煎蛋饭(鼓油汁)、肉片汤米、牛展治(留边)、咖央多、猪扒包、公司治、热奶茶等......猪扒新鲜，调味简单，厚簿适中，煎得香口，唔干唔嚡又有咬口，好！鼓油鸡翼入味皮香肉滑(下午茶餐食最好,因为平啲而且更入味，但份量较少)，白饭系一般餐厅水准，自家制鼓油汁浓淡咸甜适中，送饭一流，蛋亦煎得不错(可要求全熟蛋或太阳蛋)，肉片够新鲜，清而不淡，味道同肉质都好好，牛展治够特别，牛展入味软熟，酱汁香，味道好，用新鲜绵密而软熟嘅方包夹住食，别有一番风味，自制咖央酱椰香和蛋味相当平行，亦不过甜，配多士一流，猪扒包嘅猪扒唔洗多讲，配合烘过嘅餐包涂上牛油，唔需要其他配料已经好好味(餐包有时系咸有时系甜，视乎供应而定，各有风味)，公司治都与别不同，馅料当然有招牌货牛展，仲有鸡蛋、火腿同酸瓜，方包烘得均匀香脆，食味当然一流，奶茶香浓幼滑，茶奶比例适中，水准稳定(冻饮口味比较甜，唔钟意嘅话记得叫少甜)。招呼近似一般老式茶餐厅，唔会有公式化嘅殷勤招待，但亦唔差，对熟客比较