合利潮洲粉麵

营业中

休息中

近来四处吃喝食得太多，感觉饱饱滞滞，是日上完堂，喺附近随便食碗粉做晚餐。星期六六点几去到有三两个客人，Menu排版一般，花咗少少时间睇，仲一度怀疑自己有阅读障碍，好彩之后见到一对年轻情侣同样有疑问，先放心啲哈哈。鱼皮饺米/ 墨丸米 $30两碗面来到颜色偏白，老实讲唔算吸引。无期望底下系有啲惊喜：汤底虽然无色但够味，墨鱼丸大大粒，爽口弹牙；鱼皮饺唔腥唔肥腻，真材实料。加碟油菜，食完唔口渴，以质素嚟讲价钱佛心，简单轻食之选。