北方餃子源 (筲箕灣東大街)

营业中

休息中

晚上速食，揀左衣間細細間食餃子既，環境就一般，店員服務都好友善，咁岩今次坐正廚房側邊，完全知道佢地真正做野既態度同做法，見到佢地得1個女廚整野食，每有人落單就整一個，店員們輪流食晚餐中，見佢地都有講有笑，合作無間，一個食完就自動幫手另一個就食野，店員們都係叫果位女廚煮的。而講到我叫既食物（煎餃麵），我個人鍾意煎餃多過湯餃，等候時間唔耐，肴肉我覺得比較大舊，外間食開都係細舊d，口感會好d，同埋好似啫喱物體部份偏多，似食緊雞油凝固物咁。麵價錢算抵食又唔洗加一，小食有辣既種類偏多，只得2樣係唔辣的，唔食得辣既朋友都可嘗試叫佢走辣的。