Olive Cafe (已結業)

今日約左大埔朋友黎食飯～朋友推介嚟呢間OLIVE坐坐，環境唔錯，幾適合同朋友傾計聊天。其實一向經過大埔都會留意到呢間OLIVE，不過咁多年都未有機會一嚐。餐廳位於大埔超級城地下而鋪位佔地亦不少。分別點了2個SET DINNER，包是日餐湯/沙律+咖啡/茶。甘荀忌廉湯﹣甘荀味幾突出。餐包凍雪泡奇綠面頭有一層Tiramisu 既mascarpone cheese，而下面咖啡味偏濃，好似飲緊Tiramisu咁。 紫薯奶昔紫薯味道好足亦不會太甜，如果CREAM上加上紫薯碎賣相會更好。香煎芝麻吞拿魚配香芒沙沙吞拿魚只是輕輕一煎不會太熟，配上芒果碎食落幾FRESH，唔錯!焗蠔2款焗蠔分別用上不同配料焗製，有芝士煙肉和白汁波菜。紐西蘭西冷扒配青胡淑汁牛扒揀咗七成熟，青胡淑汁個味同牛扒幾夾，牛肉都唔少肉汁。另外，烤薯仔配菜都唔錯，薯仔唔會太乾身。香煎豬鞍配蘋果蓉豬鞍賣相唔錯，而豬肉雖然較乾身但非常易切。餐廳整體不錯，好適合朋友或家庭相聚晚餐。