Peace Concerto Cafe 17 (已結業)

呢间Cafe系大约新开左半年左右，主要系行西餐Cafe，轻松路线，铺面入边唔算多位都系得四张枱左右，加一张高枱坐四个人，成间铺头我谂只系坐得大约少过20人。所以如果下昼想来食午餐嘅大约过咗12点半就一定冇晒位啦，嚟过几次都摸左门钉。终于揾一次系下午四点钟左右嚟，先叹一杯茉莉花茶，再同朋友喺度倾吓计。四点钟左右来呢度附近就真系冇乜人呀，成间铺头都系得我一个，静静地又有冷气凉大热天时真系唔错。朋友黎到之后都叫咗一杯热薄荷朱古力，再加另外一个冻嘅梳打，本身谂住热饮先有曲奇送点知冻饮都有，认真贴心。但系比较失望嘅事原来喺度饮冻饮全部都系用即弃胶杯，加埋支饮筒，真系好痛心，上次知道之后，今次醒水都系叫佢用非即弃杯比冻饮就得左。希望佢都能够快啲冻热饮都系冇胶啦！