妹記大排檔

营业中

休息中

妹记伴我成长，食开尖沙咀𠮶间虽然味道同质素而家都有所下降，但系仍然都系叫做好味。今次带同事一共12个人过嚟食收炉饭，真系大跌眼镜！12个人嗌咗15个𩠌都唔够食，碟碟都系得几旧，但你唔系几旧嘢嘅价钱㖞。成旧水一碟，摄牙罅都唔够。啲员工又粗鲁，上菜拍一声摆喺枱面，唔帮我哋摆上转盘，仲要白色𠮶啲厨房单纸黐住晒啲食物，见佢哋即刻揾手指拎返出嚟。重点系味道方面，同一个啱啱学煮嘢食嘅人冇乜分别。旺角呢间分店，妹记嘅架都比你丢晒！你哋冇睇错，佢一上嚟就系得咁多。碟炒豆苗，嗌咗冇5分钟就上，啲菜都未收水就出镬，我唔系叫上汤豆苗㖞。薯仔一啲都唔脆，啲牛肉好韧，个汁仲要好鬼咸，食完系咁饮嘢呢个都好离谱啊，完全咬唔开㗎！其实仲有好多其他嘢食，不过费事影晒。