祥勝茶餐廳

营业中

休息中

5:45到达大坑，路边摊档都收晒。想要又快又实惠的饭，相信祥胜系其中一个选择。一到就点咗个祥胜百搭饭，加杯热奶茶，贪佢快手同唔阻人收工。好快我碟铺咗太阳蛋喺顶嘅百搭饭就喺我面前出现。太阳蛋系我特别要求，可以猪扒点蛋汁或者蛋汁捞饭。百搭饭有一块猪扒、一块午餐肉、一条肠仔、一条菜、一只蛋，淋上鼓油汁，感觉像丰富牌学生餐。我好钟意猪扒煎得啱啱好，唔会干到硬，之后切条上，方便我食用。只可惜俾我食到少量梳打粉。整体嚟讲，质量都唔错，一定会ENCORE试埋其他食物。