更多
2018-04-28
448 浏览
呢日嚟呢间喺锦上路嘅123泰菜馆谂住简简单单快食一个lunch。叫左个黄咖喱猪排饭($43)配冻柠茶(跟餐加$3)。𩠌同饭分开碟上,黄咖喱猪排望落颜色都几靓,黄色嘅咖喱汁入面有新鲜嘅红椒、青椒同洋葱,颜色够晒吸睛。个咖喱食落甜甜地,有明显嘅椰汁味, 红椒、青椒同洋葱全部新鲜爽口,猪排系煎熟嘅,但系煎得唔算太香口,肉质实左少少。不过个咖喱汁好好送饭,要成碟食晒都无难度。冻柠茶茶味同柠檬味都足,亦唔会涩口。总括嚟讲呢餐简简单单又唔觉有味精都算唔错!
张贴