明谷

营业中

休息中

朋友介绍呢间越式餐厅，话中午都唔洗等位，而且价钱实惠，于是今曰午饭就同同事过黎试下佢。果然真系唔洗等位，旁边既餐厅明明系要等位，偏偏得佢可以直入，好难得。 佢菜式选择唔多，所以我拣左个稳稳阵阵既选择，就系生牛肉汤河，味道中规中矩，牛肉有牛肉味，唔鞋口亦都唔算滑，份量足够，汤底清，唔会太味精。 而我朋友嗌左个小龙虾喇沙汤面，佢就话唔推介，话宁愿食我果个会好味d。另外我地仲嗌左蛋煎萝卜糕， 味道食唔出系萝卜糕，只系得粉味，加上一夹就散， 食完都唔知自己食左咩，完全唔值得试喇。整体黎讲，如果你系附近返工，呢间应该会系简简单单一餐既选择，反正价钱都公道，食物质素又正常，久唔久食下都ok, 不过就唔系咩特别要试既餐厅喇。