水門雞飯 (蟾宮大廈)

营业中

休息中

早两日经过tst好肚饿，同妈咪入咗水门鸡饭，大家减肥唔想食咁多饭，就叫咗半只鸡、一碗黄油饭share、沙嗲鸡肉同埋猪肉串烧~水门鸡饭同泰国食嘅竟然无乜大分别，鸡肉好滑，超重鸡味，一啲都唔肥，连我唔钟意食鸡皮嘅人都食得落啲鸡皮，加上啲酱汁，酸酸甜甜，系清新又好食嘅感觉，食到停唔到口。黄油饭系我最爱，好香好香，加埋啲鸡都酸汁，如果唔系减肥应该会encore多两碗。鸡肉有埋鸡杂，我就唔食内脏嘅，但母亲大人话好香～沙嗲鸡肉同猪肉串烧都好香口，烧得啱啱好，鸡肉好滑，又唔会太油。相反猪肉就比较鞋口。埋单都系150蚊左右，抵食之选。