餃掂手工餃子雲吞專門店

去总统戏院睇戏之前，趁有时间食返个快饭。难得有间饺掂在左近，入去食几只饺子就赶住入戏院。呢间铜锣湾分店都系第一次黎，铺头比其他分店大，座位较多又宽敞。坐低都系叫食开嘅龙凤松茸双煎饺，跟一碗状元九鼎汤。龙凤松茸即系黑白松露，每只饺都好重松露味，饺子皮好薄，煎得好脆，馅料好足好香，每次食极都唔够喉。 元贝汤饺嘅元贝香味好重，即使系汤饺，个皮都唔会冧晒，仲好弹牙。再配埋状元九鼎汤嘅鲜甜，简直系甜上加甜。小食方面有好多选择，我地拣左麻辣松花皮蛋，皮蛋好塘心，麻辣味好刺激，正。食完仲可以慢慢入场睇戏。